सप्तश्रृंगी गडावर खाजगी वाहनांना प्रवेश बंद
चैत्रमहोत्सवानिमित्त मोठया प्रमाणात भाविक खाजगी वाहनाने कळवण तालुक्यातील सप्तश्रृंगी गड येथे येत असतात.गडावरील रस्ते अरुंद असल्याने वाहतुकीची कोंडी होते. त्यामुळे प्रवाशांच्या व यात्रेकरुंच्या जिविताला धोका निर्माण होण्याची शक्यता नाकारता येत नाही. म्हणून गडावर जाणाऱ्या राज्य परिवहन महामंडळाच्या बसेस सोडून भाडोत्री टॅक्सी,ऑटारिक्षा, खाजगी चारचाकी व दुचाकी वाहने तसेच इतर खाजगी वाहने इत्यादी सर्व वाहनांना अपर जिल्हादंडाधिकारीरामदास खेडकर मुंबई मोटार वाहन कायदा 1988 चे कलम 115 प्रमाणे आजपासून 11 एप्रिल 2017 पर्यंत वाहतुकीस प्रवेशबंदी केली आहे.
