‘वाघनखे ’मिळणार फक्त 3 वर्षांसाठी

ही ‘वाघनखं’ सातारा येथील श्री छत्रपती शिवाजी महाराज वस्तुसंग्रहालय, नागपुरातील मध्यवर्ती संग्रहालय आणि कोल्हापुरातील लक्ष्मी विलास पॅलेस या चार वस्तुसंग्रहालयात प्रदर्शित केली जाणार आहेत.

‘वाघनखं’ परत आणण्यासाठी सुरक्षा आणि वाहतूक व्यवस्थेचे नियोजन करण्यासाठी राज्य सरकारने ११ सदस्यीय समिती स्थापन केली आहे. ही समिती वाघनखाचे प्रदर्शन आणि राज्यातील सार्वजनिक कार्यक्रमांच्या योजनांना अंतिम रूप देईल. ११ सदस्यीय समितीचे अध्यक्ष विकास खारगे आहेत आणि त्यामध्ये पोलिस महासंचालक, शहर आणि नागपूरच्या पोलिस आयुक्तांसह नोकरशहा आणि वरिष्ठ पोलिस अधिकारी यांचा समावेश आहे. सांस्कृतिक कार्य मंत्री सुधीर मुनगंटीवार यांनी वाघनखं नोव्हेंबरमध्ये आणणार असल्याचे सांगितले आहे. मुनगंटीवार इंग्लंडला जातील आणि व्ही अँड ए म्युझियमसह सामंजस्य करारावर स्वाक्षरी करतील.