Daily Horoscope
✕

लग्न ठरल्यानंतरही चेतनच्या प्रेमात पडली सिया, २००४ कॉल्स, पासपोर्ट फाडणे आणि कॅफेमध्ये हत्येचा कट

Updated: गुरूवार, 25 जून 2026 (12:24 IST)
 
व्यावसायिक केतन अग्रवाल (वय २६) यांचा यावर्षी फेब्रुवारी महिन्यात सिया गोयल (वय २०) हिच्यासोबत साखरपुडा झाला होता. नोव्हेंबर महिन्यात जयपूरमधील एका मोठ्या महालात (पॅलेस) त्यांचा शाही विवाहसोहळा पार पडणार होता.
 
दिवाळीत चेतनच्या प्रेमात पडली: चौकशीदरम्यान पोलिसांना समजले की, सिया आणि चेतन यांची पहिली भेट २०२५ मधील दिवाळीच्या काळात एका पार्टीत झाली होती. तिथेच त्यांच्या मैत्रीची सुरुवात झाली आणि कालांतराने त्याचे रूपांतर प्रेमात झाले. मात्र, सियाच्या कुटुंबीयांनी तिचे लग्न केतनशी आधीच ठरवले होते आणि सियानेही या लग्नाला संमती दिली होती.
 
चेतनची नाराजी पाहून सियाने तो पासपोर्ट फाडून टाकला:  पोलिसांच्या चौकशीदरम्यान सिया आणि चेतन यांनी सांगितले की, सिया आणि केतन यांनी 'प्री-वेडिंग शूट'साठी बालीला जाणे चेतनला पसंत नव्हते. चेतनची नाराजी पाहून सियाने केतनचा पासपोर्ट फाडून टाकला. विमानतळावर पोहोचल्यावर केतनला आपला पासपोर्ट गहाळ झाल्याचे समजले आणि त्याला बालीची सहल रद्द करावी लागली.
 
कॅफेमध्ये हत्येचा कट आणि अयशस्वी प्रयत्न: पोलिसांनी दिलेल्या माहितीनुसार, सिया आणि तिचा प्रेमी चेतन चौधरी यांनी एका कॅफेमध्ये बसून केतनच्या हत्येचा संपूर्ण कट रचला. केतनला मारण्यासाठी त्यांनी गेल्या २५ दिवसांत तब्बल तीन ते चार वेळा प्रयत्न केले होते. १४ जून रोजी सुद्धा सियाने केतनला लोहगड किल्ल्यावर नेऊन कड्यावरून ढकलण्याचा प्रयत्न केला होता, मात्र केतनने वेळीच एका झाडाचे झुडूप पकडल्यामुळे तो वाचला. त्यावेळी सियाने "तिथे साप होता आणि ती केतनला वाचवत होती" असे सांगून बनाव रचला होता. 
 
सिया आणि चेतन यांच्यात २,००४ वेळा फोनवर संपर्क आणि २३८ तासांचे संभाषण: लोहागड किल्ल्यावरील दरीत ढकलून आपला होणारा पती केतन अग्रवाल याची हत्या केल्याचा आरोप असलेली सिया गोयल आणि तिचा प्रियकर चेतन चौधरी हे गेल्या सहा महिन्यांत सतत एकमेकांच्या संपर्कात होते. या दोघांनी एकमेकांना २,००४ वेळा फोन केले होते आणि त्यांच्यात एकूण २३८ तास संभाषण झाले होते.
 
१८ जून रोजी अखेर हत्या: शेवटी १८ जून रोजी, सियाने पुन्हा एकदा केतनला लोहगड किल्ल्यावर येण्यास प्रवृत्त केले. यावेळी तिचा प्रेमी चेतन चौधरी हा देखील तिथे एका हुडी घालून चेहरा लपवून त्यांच्या पाळतीवर होता. किल्ल्यावरील एका निर्जन आणि खोल दरीच्या ठिकाणी योग्य संधी साधून सिया आणि चेतनने मिळून केतनला ४०० फूट खोल दरीत ढकलून दिले, ज्यामध्ये त्याचा जागीच मृत्यू झाला.
 
पोलिसांनी असा केला पर्दाफाश: घटनेनंतर सियाने रडून "केतनचा पाय घसरला आणि तो दरीत पडला" असा बनाव रचला होता. मात्र, पोलिसांनी जेव्हा लोहगड किल्ल्यावरील सीसीटीव्ही (CCTV) फुटेज तपासले, तेव्हा त्यांना ३३ अंश सेल्सिअस एवढ्या कडक उन्हात एक तरुण हुडी घालून, चेहरा पूर्णपणे लपवून आणि डोक्यावर हेडफोन लावून फिरताना दिसला. या संशयास्पद हालचालींमुळे पोलिसांनी तपास तीव्र केला. तांत्रिक पुरावे आणि कॉल रेकॉर्ड्स (CDR) तपासल्यानंतर पोलिसांनी सिया गोयल आणि चेतन चौधरी या दोघांनाही अटक केली असून, त्यांनी आपला गुन्हा कबूल केला आहे. केतनच्या पालकांनी आरोपींना कठोरात कठोर शिक्षा करण्याची मागणी केली आहे.  
About Author
वेबदुनिया न्यूज टीम
वेबदुनियाच्या न्यूज डेस्क येथे आमचे वार्ताहर, विश्वसनीय स्रोत आणि अनुभवी पत्रकार यांनी तयार केलेले प्रत्यक्ष घटनास्थळावरील अहवाल, विशेष वृत्तांत, मुलाखती आणि रिअल-टाइम अपडेट्स प्रकाशित करण्यापूर्वी वरिष्ठ संपादकांकडून अत्यंत काटेकोरपणे तपासून घेतली जातात..... Read More

सर्व पहा

Diwali 2026 दिवाळी तारखा, मुहूर्त: वसुबारस, धनत्रयोदशी, नरक चतुर्दशी, लक्ष्मी पूजन, पाडवा आणि भाऊबीज महत्तवाची माहिती

मूलांक ८ असलेल्यांनी सावध राहा! 'या' तारखांना जन्मलेल्या व्यक्तीशी विवाह टाळावा, तुटू शकते नाते!

दिवाळीच्या फराळात गोड आणि तिखट पदार्थांचे योग्य प्रमाण कसे ठरवावे?

महागड्या क्रीम्सना म्हणा बाय-बाय! हिवाळ्यात कोरड्या त्वचेसाठी अत्यंत स्वस्त आणि नैसर्गिक उपाय

गरम जेवण लगेच फ्रिजमध्ये ठेवावे की थंड झाल्यावर? अन्न टिकवण्याची योग्य पद्धत व नियम

सर्व पहा

'अर्नब' चक्रीवादळामुळे हाय अलर्ट! ६४ गाड्या रद्द; अनेक राज्यांमध्ये मुसळधार पावसाची शक्यता

LIVE: नागपूरमध्ये अचानक भूकंपाचा धक्का बसला

१ नोव्हेंबरपासून मुंबई-पुणे द्रुतगती मार्गाच्या कनेक्टिंग लिंकवर मालवाहू वाहनांना प्रवेश नाही

महाराष्ट्र एसटी महामंडळाच्या ८३,००० कर्मचाऱ्यांना दिवाळीपूर्वी पगार मिळणार; सरकारने ३९१.०२ कोटी रुपयांना मंजुरी दिली

तामिळनाडूतील थेनी तुरुंगातून पळून गेलेल्या १७ कैद्यांपैकी १३ जणांना अटक, निष्काळजीपणाबद्दल ९ तुरुंग कर्मचारी निलंबित

पुढील लेख
Show comments