संपलं, २५ वर्षाची युती तुटली

आता यापुढे मी कुणासमोर झुकणार नाही, वाकणार नाही. मी निखाऱ्यावर चालणार आहे. तुम्हालाही माझ्यासोबत निखाऱ्यासोबत चालावं लागणार आहे. त्यामुळे यापुढे शिवसेना महाराष्ट्रात स्वबळावर भगवा फडकवेल. शिवसेना महाराष्ट्रात कुठेही युती करणार नाही. यापुढे कुणासमोरही कटोरं पसरणार नाही, असेही ते म्हणाले. ‘राज्य आणि केंद्र सरकारच्या कारभारात पारदर्शकता आणा. हिम्मत असेल तर राज्यमंत्री, विरोधी पक्षनेत्यांना कॅबिनेटच्या बैठकीत घ्या, पत्रकारांना बोलवा, लोकायुक्तांनाही बोलवा मग घोटाळ्याचे आरोप होणार नाही, असे आव्हानही ठाकरे यांनी भाजपाला दिले आहे. शरद पवार यांना जाहीर झालेल्या पुरस्काराचा उल्लेख करून त्यांनी पंतप्रधान मोदी यांच्यावर निशाणा साधला. ‘ देण्यात आलेल्या पुरस्कारांमध्ये एक पुरस्कार ‘गुरूदक्षिणा’ म्हणून दिला गेला अशी चर्चा आहे.’ असे त्यांनी सांगितले.