पंतप्रधान नरेंद्र मोदी यांनी बुधवारी रात्री रशियाचे राष्ट्राध्यक्ष व्लादिमीर पुतिन यांच्याशी फोनवर चर्चा केली. दोन्ही नेत्यांनी युक्रेनमधील परिस्थितीचा आढावा घेतला. यावेळी, विशेषतः खारकीव्ह मध्ये अडकलेल्या भारतीय विद्यार्थ्यांच्या परिस्थितीवरही चर्चा झाली. दोघांनी संघर्ष क्षेत्रातून भारतीय नागरिकांना सुरक्षितपणे बाहेर काढण्याबाबत चर्चा केली.
याआधी, युक्रेनच्या संकटाच्या पार्श्वभूमीवर परराष्ट्र मंत्रालयाने बुधवारी संध्याकाळी पत्रकार परिषद घेतली. यादरम्यान परराष्ट्र मंत्रालयाचे प्रवक्ते अरंदम बागची यांना विचारण्यात आले की, पंतप्रधान नरेंद्र मोदी पुन्हा रशियाचे राष्ट्राध्यक्ष व्लादिमीर पुतीन यांच्याशी चर्चा करतील का? त्यावर ते म्हणाले की, पंतप्रधान मोदी अनेक देशांच्या नेत्यांशी बोलत आहेत.
परराष्ट्र मंत्रालयाच्या पत्रकार परिषदेतील महत्त्वाचे मुद्दे
* परराष्ट्र मंत्रालयाच्या म्हणण्यानुसार, युक्रेन सोडून जाणाऱ्या भारतीयांच्या संख्येत झपाट्याने वाढ झाली आहे. असा अंदाज आहे की आतापर्यंत सुमारे 17,000 भारतीय नागरिकांनी युक्रेनच्या सीमा सोडल्या आहेत.
* गेल्या 24 तासांत सहा उड्डाणे भारतात पोहोचली असून, भारतातील एकूण फ्लाइट्सची संख्या 15 झाली आहे आणि या फ्लाइट्समधून परतणाऱ्या भारतीयांची एकूण संख्या 3,352 झाली आहे.
* पुढील 24 तासांत 15 उड्डाणे नियोजित आहेत. यापैकी काही सध्या मार्गावर आहेत.
* खारकीव्ह मध्ये अडकलेल्या भारतीयांना तेथून तातडीने अन्य ठिकाणी जाण्याचा सल्ला देण्यात आला आहे. यासाठी खारकीव्ह जवळील तीन ठिकाणे (पिसोचिन, बेझलुडोव्हका आणि बाबे) सुरक्षित क्षेत्र म्हणून नियुक्त केली आहेत. नागरिकांना आज संध्याकाळी 6 वाजेपर्यंत (युक्रेनियन वेळ) या भागात पोहोचण्यास सांगण्यात आले आहे.
* भारतीय हवाई दलाचे विमान C-17 बुखारेस्ट (रोमानिया) येथून ऑपरेशन गंगामध्ये सामील झाले आहे, हे विमान आज रात्री दिल्लीला परतण्याची अपेक्षा आहे. भारतीय हवाई दलाची तीन उड्डाणे आज बुडापेस्ट (हंगेरी), बुखारेस्ट (रोमानिया) आणि रेसजॉ (पोलंड) येथून निघतील.
* युक्रेनमध्ये राहणाऱ्या चंदन जिंदाल या भारतीय विद्यार्थ्यांचा चा नैसर्गिक कारणाने मृत्यू झाला आहे.
* रशियाकडून मिळालेल्या माहितीच्या आधारे हा सल्ला जारी करण्यात आला आहे. अॅडव्हायझरीमध्ये आम्ही स्वतःहून ठिकाण आणि वेळ ठरवलेली नाही, ती इनपुटवर आधारित आहे.
* ज्यांचा भारतीय पासपोर्ट हरवला आहे त्यांना आपत्कालीन प्रमाणपत्र देण्यासाठी यंत्रणा तयार करण्यात आली आहे. मला वाटते की यामुळे अनेक भारतीय विद्यार्थ्यांनाही मदत होईल.
* युक्रेनमध्ये अडकलेल्या भारतीय नागरिकांना घेऊन एक विशेष विमान राष्ट्रीय राजधानीच्या विमानतळावर पोहोचले. केंद्रीय मंत्री जी. किशन रेड्डी यांनी विमानाने भारतात पोहोचलेल्या लोकांचे स्वागत केले.
