युक्रेनने मॉस्कोवर आतापर्यंतचा सर्वात मोठा ड्रोन हल्ला केला, अधिकाऱ्यांचा दावा
रशिया-युक्रेन युद्ध अडीच वर्षांहून अधिक काळ सुरू आहे. दोन्ही देश मागे हटायला तयार नाहीत. आता युक्रेनने रशियावर आतापर्यंतचा सर्वात मोठा ड्रोन हल्ला केला आहे.
रशियाची राजधानी असलेल्या मॉस्को भागात त्यांनी 11 ड्रोन नष्ट केल्याचा आरोप रशियन संरक्षण दलाच्या अधिकाऱ्यांनी केला आहे. तर देशभरात एका रात्रीत 45 ड्रोन पाडण्यात आले. अधिकाऱ्यांच्या मते, रशियाच्या हद्दीत नष्ट करण्यात आलेल्या 45 ड्रोनपैकी 11 मॉस्कोमध्ये, 23 ब्रायन्स्कच्या सीमा भागात, सहा बेल्गोरोड प्रदेशात,तीन कलुगामध्ये आणि दोन कुर्स्क प्रदेशात नष्ट करण्यात आले. मॉस्कोचे महापौर सर्गेई सोब्यानिन यांनी सांगितले की, पोडॉल्स्क शहरावर काही ड्रोन नष्ट करण्यात आले.
मॉस्कोवर हल्ला करण्याचा हा आतापर्यंतचा सर्वात मोठा प्रयत्न आहे.या हल्ल्यात कोणीही जखमी झाल्याचे वृत्त नाही, असे त्यांनी सांगितले. ड्रोन हल्ल्यांमुळे मॉस्कोच्या वनुकोवा, डोमोडेडोवा आणि झुकोव्हस्की विमानतळावरील उड्डाणे चार तास प्रभावित झाली.
युक्रेनचे सैन्य पश्चिम रशियाच्या हद्दीत घुसखोरी करत आहेत. यानंतर दोन्ही देशांमधील तणाव सतत वाढत आहे. दोन्ही बाजूंनी सतत हल्ले सुरू आहेत.
Edited by - Priya Dixit
