महाराष्ट्रात येत्या 48 तासात मुसळधार पावसाची शक्यता

अरबी समुद्रात कमी दाबाचा पट्टा तयार झाल्याने येत्या 48 तासात राज्यात पावसाचा जोर वाढण्याची शक्यता हवामान विभागाने वर्तवलीय.

अपेक्षित पावसाच्या प्रतिक्षेत असलेल्या मराठवाड्यात पावसाची हजेरी लागू शकते. हिंगोली आणि नांदेडमध्ये आज (13 ऑगस्ट) पाऊस पडेल, असंही वेधशाळेनं म्हटलंय.

कोकणात आधीपासूनच सुरू असलेल्या पावसाला आणखी जोर येईल. कोकण आणि गोवा भागात पुढल्या पाच दिवसात अतिवृष्टीचा इशाराही देण्यात आलाय. तर पालघर, ठाणे आणि मुंबई या भागातीला काही ठिकाणी उद्या (14 ऑगस्ट) पाऊस दमदार हजेरी लावेल, असा अंदाज आहे.