कर्नाटकमधली थंड हवेची ठिकाण

* चंद्रद्रोण पर्वतरांगांमध्ये वसलेलं केमानागुंडी खूपच मनमोहक आहे. इथल्या पाण्यातल्या औषधी गुणधर्मांमुळे त्वचाविकार बरे होत असल्याचं म्हटलं जातं. हेबे आणि कल्हाटागिरी धबधबा, राजभवन आणि भद्रा व्याघ्र प्रकल्प ही इथली काही खास आकर्षणं आहेत.

* पश्चिम घाटातल्या कुर्गच्या सौंदर्याचं वर्णन शब्दांमध्ये करता येणार नाही. निसर्गसौंदर्यामुळे कुर्गला भारताचं स्कॉटलंड असं म्हटलं जातं. इथे ट्रेकिंग आणि कॅम्पिंगही करता येतं.

* समुद्रसपाटीपासून 3400 फूट उंचीवरचं चिकमगलूरही थंड हवेचं ठिकाण आहे. आल्हाददायक वातावरण, घनदाट जंगलं आणि उंचच उंच पर्वतरांगा आपलं मन मोहवून टाकतात.

* बिलिगिरीरंगा हिल्स हे सुद्धा अनोखं ठिकाण आहे. इथे पूर्व आणि पश्चिम घाट एकमेकांना मिळतात. इथे अभयारण्यही आहे. इथून कावेरी आणि कपिला या दोन ना वाहत असल्यामुळे पर्यटक रिव्हर राफ्टिंग, मासेमारी तसंच बोटिंगचा आनंद घेऊ शकतात.

* अगुंबेला दक्षिणेचं चेरापुंजी असं म्हटलं जातं. इथेही काही काळ निवांत घालवता येईल. अगुंबेला मालगुडी डेजचं चित्रीकरण पार पडलं होतं. 

सुहास साळुंखे