९० च्या दशकातील प्रसिद्ध अभिनेते दिन्यार तिरंदाज यांचे निधन
दिन्यार तिरंदाज यांनी क्वचितच मुख्य भूमिका साकारल्या असल्या तरी, एक चरित्र अभिनेता म्हणून त्यांनी आपल्या सहजसुंदर अभिनयाने आणि अनोख्या शैलीने चित्रपटसृष्टीत एक अमिट छाप सोडली. दिन्यार तिरंदाज यांच्या कारकिर्दीतील सर्वात संस्मरणीय आणि मैलाचा दगड ठरलेली भूमिका ९० च्या दशकातील प्रचंड लोकप्रिय सिटकॉम 'जबान संभल के' मध्ये होती. या मालिकेत त्यांनी 'मिस्टर केकी दारूवाला' ही भूमिका साकारली होती.
दिन्यार यांची विनोदी आणि अनोखी पारसी शैली भारतीय टेलिव्हिजनच्या इतिहासातील सर्वात आवडत्या पात्रांपैकी एक मानली जाते. या मालिकेने त्यांना सर्व स्तरातील प्रेक्षकांमध्ये, विशेषतः तरुण आणि मुलांमध्ये प्रचंड लोकप्रिय केले. दिन्यार यांनी आपल्या अभिनय कारकिर्दीची सुरुवात १९८४ साली प्रदर्शित झालेल्या 'दुनिया' या चित्रपटातून केली होती. त्यानंतर तो छोट्या पडद्याकडे वळला आणि त्याने दूरदर्शनच्या कल्ट क्लासिक सीरियल "नुक्कड" आणि "ब्योमकेश बक्षी" या गुप्तहेर शोमध्ये आपले अष्टपैलू अभिनय कौशल्य सिद्ध केले. टेलिव्हिजन सोबतच दिनयार तिरंदाजने हिंदी चित्रपटसृष्टीतही बराच काळ घालवला, अनेक प्रमुख स्टार्ससोबत स्क्रीन स्पेस शेअर केली. "दिल है के मानता नहीं," "हॅलो ब्रदर," "क्या कहना," "अलबेला," "चलते चलते," "मैंने प्यार क्यूं किया," आणि "कमल धमाल मलामाल" हे त्यांचे उल्लेखनीय चित्रपट आहे.
Edited By- Dhanashri Naik<>
