सैफ अली खान रुग्णालयात दाखल, शस्त्रक्रियेसाठी करीना कपूरही सोबत

सैफसोबत पत्नी करीनाही रुग्णालयात आहे

मिळालेल्या माहितीनुसार, सैफ अली खानला सोमवारी सकाळी रुग्णालयात दाखल करण्यात आले आहे. सैफसोबत त्याची पत्नी आणि अभिनेत्री करीना कपूर खानही रुग्णालयात आहे. याबाबत अद्याप फारशी माहिती समोर आलेली नाही. चित्रपटाच्या शूटिंगदरम्यान सैफला ही दुखापत झाली असावी, असा अंदाज वर्तवला जात आहे. अभिनेत्याच्या गुडघ्यात आणि खांद्याला फ्रॅक्चर झाल्याची माहिती आहे. डॉक्टरांनी त्यांच्यावर शस्त्रक्रिया करण्यास सांगितले. यामुळे आज सकाळी त्याला रुग्णालयात दाखल करण्यात आले आहे.

सैफ कायम चर्चेत

सैफ अली खानबद्दलच्या या बातमीने त्याच्या चाहत्यांना खूप दुःख झाले आहे. सैफ अली खान अनेकदा त्याच्या चित्रपटांमुळे चर्चेत असतो. याशिवाय त्याची पत्नी करीना आणि दोन्ही मुलांसोबतचे त्याचे फोटोही रोज समोर येत असतात. अलीकडे नवीन वर्षाच्या निमित्ताने, अभिनेता कौटुंबिक सुट्टीसाठी स्वित्झर्लंडला गेला होता. या काळात सैफ-करीनाचे फोटो चाहत्यांना खूप आवडले.

या साऊथ चित्रपटात दिसणार

त्याच्या वर्क फ्रंटबद्दल बोलायचे झाले तर सैफ अली खान त्याच्या आगामी 'देवरा पार्ट वन' या चित्रपटासाठी चर्चेत आहे. दक्षिणेतील देवरा या चित्रपटात तो बहिराच्या भूमिकेत दिसणार आहे. या चित्रपटात एनटीआर ज्युनियर मुख्य भूमिकेत आहे.