Pahalgam terror attack नंतर अभिनेता सलमान खानचा मोठा निर्णय

आता या घटनेने दुःखी होऊन बॉलिवूड सुपरस्टार सलमान खाननेही एक मोठा निर्णय घेतला आहे. सलमान खानने मे महिन्यात होणारा त्याचा युके दौरा पुढे ढकलला आहे. सलमानने एक पोस्ट शेअर करून ही माहिती दिली आहे. या दौऱ्यात त्याच्यासोबत अनेक सेलिब्रिटी परफॉर्म करणार होते. तसेच सलमान खानने लिहिले की, काश्मीरमधील अलिकडच्या काळात घडलेल्या दुःखद घटना लक्षात घेऊन आम्ही ४ आणि ५ मे रोजी मँचेस्टर आणि लंडनमध्ये होणारा 'द बॉलिवूड बिग वन शो यूके' पुढे ढकलण्याचा कठीण निर्णय घेतला आहे. तसेच या दुःखद काळात शो पुढे ढकलणे हा योग्य निर्णय आहे असे आम्हाला वाटते. कोणत्याही गैरसोयीबद्दल आम्ही मनापासून दिलगीर आहो आणि तुमच्या पाठिंब्याची आणि समजुतीची आम्ही प्रशंसा करतो. नवीन तारखा लवकरच जाहीर केल्या जातील.

पहलगाम हल्ल्यानंतर सलमान खानने एक पोस्ट शेअर करून आपली नाराजी व्यक्त केली होती. त्यांनी लिहिले होते, पृथ्वीवरील स्वर्ग असलेले काश्मीर नरकात बदलत आहे. निष्पाप लोकांना लक्ष्य केले जात आहे. 

Edited By- Dhanashri Naik