Jr. NTR च्या फॅन्सचा धिंगाणा

वृत्तानुसार, ज्युनियर एनटीआरचे चाहते शनिवारी विजयवाडा येथील एका थिएटरमध्ये त्याचा 'सिम्हादारी' चित्रपट पाहत होते. यादरम्यान, चाहत्यांनी आपल्या आवडत्या अभिनेत्याचा वाढदिवस सिनेमागृहात साजरा करण्यास सुरुवात केली आणि फटाके फोडण्यास सुरुवात केली. त्यामुळे सिनेमा हॉलमध्ये आग लागली. या दुर्घटनेत हॉलमधील काही सीटचे नुकसान झाले आहे. या घटनेशी संबंधित एक व्हिडिओही सोशल मीडियावर व्हायरल होत आहे.

ज्युनियर एनटीआरच्या वर्कफ्रंटबद्दल बोलायचे झाले तर तो देवरा या चित्रपटात दिसणार आहे. या चित्रपटाशी संबंधित त्याचा फर्स्ट लूक अभिनेत्याच्या वाढदिवसाला प्रदर्शित करण्यात आला. विशेष म्हणजे देवरा या चित्रपटात ज्युनियर एनटीआर व्यतिरिक्त बॉलीवूड अभिनेत्री जान्हवी कपूर आणि सैफ अली खान दिसणार आहेत, जे तेलुगु चित्रपटांमध्ये पदार्पण करत आहेत. एनटीआर या चित्रपटात वडील आणि मुलाच्या दुहेरी भूमिकेत दिसणार असल्याच्या अफवा या चित्रपटाविषयी आहेत.