आता डेट नाही थेट लग्न

चित्रपट समीक्षक अनुपमा चोप्राच्या कार्यक्रमात आपल्या आगामी रंगून चित्रपटाच्या प्रमोशनसाठी गेलीअसता तिने लग्नाविषयी आपले मत सांगितले. ती म्हणाली, आता कोणाबरोबर डेटिंग नाही तर त्या व्यक्तीबरोबर लग्नच करायचं आहे. यावेळी तिने त्या व्यक्तीचे नाव जाहीर केले नाही. पण त्या व्यक्तीबद्दल मनमोळ्यापणे गप्पा मारल्या.

यादरम्यान बोलताना कंगना म्हणाली, तुमचे वय जेव्हा 20 वर्षांहून अधिक असते तेव्हा लोक लग्न का करत असतील असे वाटायला लागते. पण वय वाढत तिशीकडे झुकते तेव्हा तुमच्यात मातृत्वाची भावना उफाळून येते आणि या गोष्टीकहष आपण वेगळ्या नजरेतून पाहू लागतो.

मी लग्नसंबंधाला माझे सर्वश्रेष्ठ योगदान द्यायला तयार आहे पण समोरच्याव्यक्तीचे वागणेदेखील असेच असायला हवे. मला कोणी भेटले आहे ज्याच्यावर अंत:करणापासून मी प्रेम करीत आहे. पण मी फक्त डेटिंग नाही तर त्याच्यासोबत लग्न करू इच्छिते.