मुनवर फारुकी तिसऱ्यांदा वडील झाले आहे. मुनवरने त्याच्या अधिकृत इंस्टाग्राम अकाउंटवर हॉस्पिटलमधील काही मनमोहक फोटो शेअर करून चाहत्यांना त्याच्या नवीन प्रवासाची माहिती दिली. मुनवरने त्याची पत्नी महजबीनचा हात धरला आहे आणि आपल्या मुलीसोबत काही भावनिक क्षण शेअर केले आहे. अनेक सेलिब्रिटींनीही कमेंट्स सेक्शनमध्ये या जोडप्यावर आशीर्वाद आणि अभिनंदनाचा वर्षाव केला. मुनवर फारुकीचे पहिले लग्न २०१७ मध्ये जस्मिनसोबत झाले होते. या जोडप्याचे नाते सुमारे तीन वर्षे टिकले आणि २०२० मध्ये ते वेगळे झाले. मुनवर आणि जस्मिन यांचा २०२२ मध्ये अधिकृतपणे घटस्फोट झाला. मुनवर आणि जस्मिन यांना मिखाईल नावाचा एक मुलगा आहे. घटस्फोटानंतर मुनवरने आपल्या मुलाचा ताबा घेतला.