"द पिरॅमिड स्कीम" ट्रेलर प्रदर्शित: झटपट श्रीमंत होण्याच्या लोभाची एक धोकादायक कहाणी

"द व्हायरल फीवर" (TVF) निर्मित आणि श्रेयांश पांडे निर्मित या सिरीजचे दिग्दर्शन आशिष आर. शुक्ला आणि श्रेयांश पांडे यांनी केले असून, याची कथा अक्षेंद्र मिश्रा यांनी लिहिली आहे. या सिरीजमध्ये परमवीर सिंग चीमा, रणवीर शौरी, शेखर सुमन, अंजन श्रीवास्तव, अल्फिया जाफरी आणि आशिष राघव यांच्या प्रमुख भूमिका असून, अखिलेंद्र मिश्रा, स्मिता बन्सल, विजय कुमार, इंद्रेश मलिक, रवी बहल, सुशांत सिंग, सोनल झा आणि सदानंद पाटील यांसारखे सहाय्यक कलाकार महत्त्वपूर्ण भूमिकेत आहे.

'द पिरॅमिड स्कीम'चा ट्रेलर आपल्याला झगमगत्या संपत्तीच्या आणि केवळ सहा महिन्यांत आपले नशीब बदलण्याच्या भव्य आश्वासनांच्या जगात घेऊन जातो. आपण गोल्डी (परमवीर सिंग चीमा) आणि मनोज श्रीवास्तव (रणवीर शौरी) या दोन व्यक्तींना भेटतो, ज्यांच्या आकांक्षा वेगवेगळ्या आहे, तरीही दोघेही पि रॅमिड मार्केटिंगवर आधारित 'स्वप्नवत व्यवसाय मॉडेल'च्या चकचकीत जाळ्यात ओढले जातात.

हे एक असे जग आहे, जे केवळ इतरांना या प्रणालीमध्ये सामील होण्यासाठी पटवून देऊन झटपट पैसा, आदर आणि यशाचे आश्वासन देते. ऐकायला अगदी सोपे वाटते, नाही का? पण गोल्डी आणि मनोज यशाच्या या पिरॅमिडवर जितके वर चढतात, तितकी त्यांच्या पायाखालची जमीन सरकू लागते. ही कंपनी खरोखरच त्यांची स्वप्ने साकार करेल, की त्यांना प्रचंड समस्यांखाली गाडून टाकेल? गोल्डी आणि मनोजसोबत पुढे काय होते हे जाणून घेण्यासाठी, 'द पिरॅमिड स्कीम' पाहा, जो ५ जून रोजी केवळ प्राइम व्हिडिओवर प्रदर्शित होत आहे.

Edited By- Dhanashri Naik