दीपका भेटणार रणवीरला

दीपिका पदुकोण आणि रणवीर सिंह ही बॉलिवूडमधील सर्वात जास्त चर्चिली जाणारी हॉट जोडी आहे. या दोघांच्या प्रेमाचे अनेक किस्से चवीने चर्चिले जातात. या दोघांनीही त्यांचे प्रेम आणि इंडस्ट्रीचे काम यांच्यातील संतुलन चांगल्या प्रकारे ठेवले आहे. दोघेही या दोन्ही गोष्टींना आपापल्या ठिकाणी ठेवतात. 

सध्या दोघेही आपल्या कामात व्यस्त असल्यामुळे एकमेकांना भेटू शकले नाहीत. पण लवकरच दोघांतील हे अंतर मिटणार असून दीपिका आपले शूटिंग पूर्ण करून लवकरच रणवीरला भेटणार आहे.

रणवीर सध्या ‘बेफिक्रे’च्या शूटिंगमध्ये व्यस्त आहे. त्याचे हे चित्रण सहकलाकार वाणी कपूर सोबत पॅरिस येथे सुरु आहे. तर दीपिका टोरंटो इथं हॉलिवूड फिल्म ट्रिपल एक्स च्या शूटिंगमध्ये व्यस्त आहे. तिचे हे शूटिंग पूर्ण होताच ती रणवीरला भेटण्यासाठी पॅरिसला जाऊ शकते. फेब्रुवारीमध्ये रणवीरही दीपिकाला भेटण्यासाठी टोरंटो इथं पोहचला होता.