सिंग इज ब्लिंग सुसाट

बॉलीवूडचा खिलाडी अक्षय कुमारच्या ‘सिंग इज ब्लिंग’ने एका आठवड्यातच शानदार कमाई केली आहे. पहिल्या आठवड्यात तब्बल 77 कोटींचा गल्ला जमवून 2015 मध्ये सर्वाधिक कमाई करणार्‍या चित्रपटांच्या यादीत दुसर्‍या स्थानावर झेप घेतली आहे. अक्षयच्या ब्रदर्स चित्रपटाने एका आठवड्यात 72.60 कोटींचा गल्ला जमवला होता. आता ‘सिंग.’ने ब्रदर्सलाही मागे टाकलं आहे. 

त्याचबरोबरीने सिंग इज ब्लिंगचा 100 कोटींच्या क्लबमध्ये प्रवेश निश्चित मानला जात आहे. सलमानचा बजरंगी भाईजान या वर्षातला पहिल्या आठवड्यात बक्कळ कमाई करणारा नंबर वन सिनेमा आहे. बजरंगीने एका आठवड्यात 102 कोटींचं कलेक्शन केलं होतं. पहिल्या 

आठवड्याचा कमाईत ‘सिंग.’ ने दुसर्‍या क्रमांकावर असलेल्या वेलकम बॅक (74.2 कोटी)सोबत ब्रदर्स (72.6 कोटी), ‘दृश्यम’ (67 कोटी ), ‘ङ्खँटम’ (54 कोटी) आणि ‘बदलापुर’ (50 कोटी) यांना मागे टाकलं आहे.