‘प्रेम रतन धन पायो’चा लोगो लाँच

बॉलिवूडचा ‘प्रेम’ सलमान खान आणि ‘प्रेम’कथांचे सम्राट सूरज बडजात्या अनेक वर्षाने पुन्हा एकत्र आले आहेत. त्यांच्या बहुचर्चित ‘प्रेम रतन धन पायो’ चित्रपटाच्या शीर्षकाचा लोगो ट्विटवरुन लाँच करण्यात आला आहे. 

सलमान खान अनेक वर्षाने या चित्रपटात दुहेरी भूमिकेत दिसणार आहे. ‘प्रेम रतन...’ मार्क टेनच्या ‘दि प्रिन्स अँड दि पॉपर’ या कथेवर आधारित असल्याचं म्हटलं जातं. यात सलमान राजपुत्राच्या तर सोनम कपूर राजकन्येची व्यक्तिरेखा साकारणार आहे. 

नील नितीन मुकेशही यात भूमिका साकारत आहे. ऑगस्ट महिन्याच्या अखेरपर्यंत चित्रपटाचं शूटिंग पूर्ण होण्याची अपेक्षा असून 12 नोव्हेंबरला ‘प्रेम रतन धन पायो’ चित्रपटगृहांत झळकणार आहे.