‘मसान’साठी रिचाला आईकडून खास भेट

रिचाची आई म्हणाली की, ‘मसान’मधील काम पाहून मला रिचाचा अभिमान वाटतोय. मी तीनवेळा हा चित्रपट पाहिला. मला रिचाला अशी भेट द्यायची होती जी तिला देणं सार्थ ठरेल. त्यामुळेच मी तिला कानातले देण्याचा निर्णय घेतला. यावर रिचा म्हणाली की, माझे डोळे नेहमीच या कानातल्यांवर होते. मात्र, मला ते मिळतील अशी आशाच नव्हती. माझे आई-वडील त्यांच्या भावना कधीच बोलून दाखवत नाहीत. पण माझ्या कामाचा त्यांना किती अभिमान आहे याची जाणीव मला ते काहीनाकाही भेटवस्तू देऊन करून देत असतात. यातूनच मला अधिकाधिक चांगलं काम करण्याची प्रेरणा मिळते.