राज्यात 8,753 नवे रुग्ण, 8,385 जणांना डिस्चार्ज

आरोग्य विभागाने याबाबत प्रसिद्ध केलेल्या आकडेवारीनुसार, महाराष्ट्रातील एकूण कोरोनाबाधित रुग्णांची संख्या 60 लाख 79 हजार 352 एवढी झाली आहे. सध्याच्या घडीला राज्यात 1 लाख 16 हजार 867 सक्रिय रुग्णांवर उपचार सुरू आहेत.

महाराष्ट्रात आज 156 कोरोना रुग्णांचा मृत्यू झाला आहे. राज्यात आजवर 1 लाख 22 हजार 353 रुग्ण मृत्यूमुखी पडले आहेत. राज्याचा कोरोना मृत्यूदर 2.01 टक्के एवढा झाला आहे. राज्याचा रिकव्हरी रेट वाढून 96.02 एवढा झाला आहे.

राज्यात आतापर्यंत 4 कोटी 20 लाख 96 हजार 506 नमूने तपासण्यात आले आहेत. राज्यात सध्या 6 लाख 24 हजार 745 लोक होम क्वारंटाईन आहेत तर, 4 हजार 472 जण संस्थात्मक क्वारंटाईन आहेत.