या पटकथेत भरपूर चुका, त्रुटी असल्या तरी पडद्यावर ती बरी साकारली आहे. मुख्य म्हणजे राणीने स्वतःच्या अभिनयावर हा चित्रपट तोलून धरला आहे. शाहिद कपूर ठीक. कथेला शेर्लिन चोप्रा आणि राखी सावंत यांच्या भूमिकांची फोडणी देण्यात आली आहे. ती तितकी जमलेली नाही. दिग्दर्शक अनुराग सिंहची कामगिरी बरी आहे, एवढंच म्हणावं लागेल. संगीत साधारण आहे.
दिल बोले हडिप्पा वाईट नाही, पण उत्तमही म्हणता येणार नाही. त्यातल्या त्यात बर्यापैकी मनोरंजन करतो एवढंच.