Daily Horoscope
✕

शपथविधीची जंगी तयारी

Written By wd
Updated: सोमवार, 26 मे 2014 (10:45 IST)
 
नरेंद्र मोदी यांच्या शपथविधी समारंभाला सुमारे तीन हजार पाहुणे उपस्थित राहणार असून त्यामध्ये पाकिस्तानचे पंतप्रधान नवाझ शरीफ, श्रीलंकेचे अध्यक्ष महेंद्र राजपक्षे, अफगाणिस्तानचे अध्यक्ष हमीद कलझाई यांचा प्रामुख्याने समावेश आहे. ‘सार्क’ देशाच्या सर्वच प्रमुखांना मोदी यांच्या शपथविधी समारंभाचे निमंत्रण देण्यात आले आहे.
 
समारंभाला मावळते पंतप्रधान डॉ. मनमोहनसिंग, काँग्रेस अध्यक्षा सोनिया गांधी, काँग्रेसचे उपाध्यक्ष राहुल गांधी, इतर पक्षांचे नेते आणि नरेंद्र मोदी यांच्या मातोश्री हिराबाई उपस्थित राहणार आहेत.
 
विदेशी पाहुण्यांमध्ये नेपाळचे पंतप्रधान सुशील कोईराला, भूतानचे पंतप्रधान शेरींग तोद्दी, मालदीवचे अध्यक्ष अब्दुला येमेन गय्यूम हे उपस्थित राहणार आहेत. बांगला देशच पंतप्रधान शेख हसीना या जपानच दौर्‍यावर असल्यामुळे बांगला देश संसदेचे सभापती शिलीन चौधरी हे समारंभाला शोभा आणणार आहेत.
 
देशाच्या पंतप्रधानांच्या शपथविधीला प्रथमच ‘सार्क’ देशाच्या प्रमुखांना निमंत्रित करण्यात आले आहे. माजी पंतप्रधान अटलबिहारी वाजपेयी यांच्याप्रमाणेच मोदी यांनी आपला शपथविधी राष्ट्रपती भवनाच्या दरबार हॉलऐवजी प्रशस्त प्रांगणामध्ये व्हावा, अशी इच्छा व्यक्त केल्यावर राष्ट्रपती भवनाने त्याप्रमाणे  चोख व्यवस्था केली आहे. या अगोदर माजी पंतप्रधान चंदशेखर यांनीदेखील राष्ट्रपती भवनाच्या प्रांगणामध्ये शपथ घेतली होती.
 
गेल्या तीस वर्षात प्रथमच एका पक्षाला एवढे प्रचंड बहुमत मिळालेल्या सरकारचे नेतृत्व करण्याचे भाग्य नरेंद्र मोदी यांना मिळत आहे. शपथविधी समारंभाचवेळी कोणतीही जोखीम नको म्हणून राष्ट्रपती भवन व परिसरात कडेकोट सुरक्षा व्यवस्था करण्यात आली आहे. पण प्रजासत्ताक दिनाच्या  सोहळवेळी जसे हवेतून विमाने व हेलिकॉप्टर्स यांचा पहारा ठेवण्यात येतो, तशी आकाशातून टेहळणी करण्यासाठी विमाने आणि हेलिकॉप्टर्स यांची तुकडी तैनात करण्यात आली आहे. दिल्ली पोलिसांनी राष्ट्रपती भवन वसलेल्या रायसीना भागामध्ये आपल्या तुकडय़ा तैनात करण्याचे ठरविले आहे. शपथविधीच्या वेळेत पाच तास राष्ट्रपती भवन परिसरातील वाहतूक तहकूब ठेवण्यात येणार आहे. राष्ट्रपती भवन परिसरातील सरकारी कार्यालये दुपारी एक वाजल्यापासून बंद ठेवण्यात येणार आहेत. प्रजासत्ताक दिनाप्रमाणेच भारतीय वायुदलाची विमाने व हेलिकॉप्टर्स दुपारपासून राष्ट्रपती भवन परिसरामध्ये घिरटय़ा घालत राहणार आहेत.

सर्व पहा

देवाची पूजा करतांना कोणते स्तोत्र आवर्जून म्हणावे?

वास्तुशास्त्रानुसार या पाच वनस्पतींपैकी कोणतीही वनस्पती छतावर ठेवल्यास होतात हे नुकसान

Winter Breakfast हिवाळ्यात सकाळी नाश्त्याला कोणते पौष्टिक पदार्थ खावेत?

हिवाळ्यात अंघोळीनंतर त्वचा कोरडी पडते? ट्राय करा हे सोपे आणि प्रभावी घरगुती उपाय!

थंडीच्या दिवसांतही शरीर राहील हायड्रेटेड; हिवाळ्यात नारळ पाणी पिण्याचे ५ मोठे फायदे

सर्व पहा

LIVE: पुणे जिल्हा परिषदेने वर्ष २०२६-२७ साठी पशुसंवर्धन योजना सुरू केल्या

सरपंच बनण्याची इच्छा, पण जागा महिलांसाठी राखीव...४२ वर्षीय ऑटो चालकाची आत्महत्या

मुंबई शहर, उपनगरे, नवी मुंबई, ठाणे, पालघर आणि रायगड येथील लाखो प्रवाशांना फायदा होणार; मुंबई वॉटर मेट्रोच्या पहिल्या टप्प्याला मंजुरी

महाराष्ट्रातील दुष्काळग्रस्त तालुक्यांची संख्या वाढून ३१० झाली; पाणीटंचाई निवारणासाठी ४८८ कोटी रुपयांना मंजुरी

पीएफ नियमांमध्ये मोठा बदल, आता वयाच्या ५५ ​​वर्षांपूर्वी २ महिन्यांच्या आत खात्यातून ९०% निधी काढता येईल

Show comments