Gujarat Election 2022 : दोन टप्प्यात मतदान; 8 डिसेंबर रोजी निकाल

गुजरात निवडणुकीत 2007 पासून डिसेंबरमध्ये निवडणुका होत आहे आणि दोन फेऱ्यांमध्ये मतदान करण्याची पद्धत सुरु आहे. निवडणुकीची घोषणा होताच गुजरातमध्ये अधिसूचना लागू झाली आहे.

मुख्य निवडणूक आयुक्तांनी सांगितले की गुजरात विधानसभेचा कार्यकाळ 18 फेब्रुवारी रोजी संपत आहे. राज्यात 10 ऑक्टोबर 2022 रोजी मतदार याद्या प्रसिद्ध करण्यात आल्या आहेत. यावेळी गुजरात निवडणुकीत 4.9 कोटी मतदार मतदान करतील. ते म्हणाले की 1 ऑक्टोबर 2022 पर्यंत जे तरुण 18 वर्षांचे होतील त्यांनाही मतदानाची संधी दिली जात आहे. एकूण 4.6 लाख मतदार प्रथमच मतदानाचा हक्क बजावणार आहेत. 

मतदानासाठी राज्यात एकूण 51,782 केंद्रे उभारण्यात येणार आहेत. मतदान केंद्रांवर पिण्याच्या पाण्याची व्यवस्था करण्यात येणार असून वृद्धांच्या आरामासाठी वेटिंग एरियाही तयार करण्यात येणार आहे.