ऑस्ट्रेलियाचा पहिला रॉकेट उड्डाणानंतर अवघ्या १४ सेकंदात कोसळला

मिळालेल्या माहितीनुसार बुधवारी सकाळी स्थानिक वेळेनुसार क्वीन्सलँड प्रांताच्या उत्तरेकडील बोवेन जवळील एका अंतराळ केंद्रातून चाचणी उड्डाणात ते प्रक्षेपित करण्यात आले. ऑस्ट्रेलियन वृत्त माध्यमांनी प्रसारित केलेल्या व्हिडिओमध्ये, २३ मीटर उंच रॉकेट प्रक्षेपण टॉवरवरून वर येताना दिसले आणि नंतर ते गायब झाले. घटनास्थळावरून धुराचे ढग उठताना दिसले. या दरम्यान कोणीही जखमी झाले नाही 'गिलमोर स्पेस टेक्नॉलॉजीज'ने प्रथम मे महिन्यात आणि नंतर या महिन्याच्या सुरुवातीला रॉकेटच्या प्रक्षेपणाची योजना आखली होती, परंतु तांत्रिक समस्या आणि खराब हवामानामुळे ती कामे रद्द करण्यात आली. 

मुख्य कार्यकारी अधिकारी (सीईओ) अॅडम गिलमोर यांनी एका निवेदनात म्हटले आहे की रॉकेट प्रक्षेपण पॅडवरून उड्डाण केल्याबद्दल त्यांना आनंद आहे. त्यांनी 'लिंक्डइन' या सोशल मीडिया प्लॅटफॉर्मवर लिहिले की जर ते आणखी काही काळ उडले असते तर मला ते नक्कीच आवडले असते पण मी त्यात आनंदी आहे.

Edited By- Dhanashri Naik