चीनने नोटबंदीला सांगितले धाडसी निर्णय

‘ग्लोबल टाईम्स’ वृत्तपत्रात म्हटले आहे की, ५०० आणि १००० रुपयांच्या नोटा रद्द करण्यासाठी मोदींनी उचलेले पाऊल धाडसी आहे. काळे धन आणि भ्रष्टाचाराविरोधात ही लढाई आहे. कारण जास्तीत जास्त बेकायदा व्यवहार हे रोखीने होत असतात. भारतात ५०० आणि १००० च्या चलनी नोटांचे प्रमाण ८० टक्के आहे. मोदी सरकार सत्तेत आल्यापासून काळा पैसा, भ्रष्टाचार आणि कर चुकविणार्‍यांवर कारवाईसाठी कडक पावले उचलली आहेत. मोदी सरकारने नोटबंदीचा निर्णय घेतला आहे. तो धाडसी आहे. पण भ्रष्टाचार संपविण्यासाठी केवळ एवढेच पुरेसे नाही. यासाठी यंत्रणेत सुधारणा करणे गरजेचे आहे. याकामी दिल्लीने बिजिंगकडून नव्या कल्पना घ्याव्यात. चिनचे पंतप्रधान जिनपिंग यांनी कडक धोरणे आखून चुकीचे काम करणार्‍या एक लाख अधिकार्‍यांना दंड केला आहे. मोदींनीही याबाबत जिनपिंग यांच्याकडून नव्या कल्पना घ्याव्यात.