बंडखोरांनी अमेरिकन जहाजावर ड्रोन हल्ला केला

मीडिया रिपोर्ट्सनुसार, मध्य पूर्व जलमार्गांवर देखरेख करणार्‍या ब्रिटीश नेव्हीच्या यूके मेरीटाइम ट्रेड ऑपरेशन्सने सांगितले की, एडनच्या दक्षिणपूर्वेला सुमारे 70 मैल दूर अमेरिकन जहाजाशी हुथी ड्रोनची टक्कर झाली. हल्ल्यामुळे जहाजाला आग लागल्याची माहिती जहाजाच्या कॅप्टनने दिली. मात्र, ती वेळीच विझवण्यात आली. जहाज आणि कर्मचारी सुरक्षित आहेत. 

 हुथी सैन्याचे प्रवक्ते ब्रिगेडियर जनरल याहमा सारी यांनी जहाजाची ओळख जेन्को पिकार्डी अशी केली आहे. एका जुन्या व्हिडिओमध्ये त्यांनी म्हटले होते की, हुथी हे स्पष्ट करतात की अमेरिकेच्या हल्ल्यांना चोख प्रत्युत्तर दिले जाईल. पिकार्डीचे मालक अमेरिकेतील न्यूयॉर्क शहरातील रहिवासी आहेत. 

एक दिवस अगोदर, मंगळवारी, यूएस कमांड पोस्टने ट्विट केले होते की अमेरिकन सैन्याने हुथी बंडखोरांच्या स्थानांवर हल्ला केला आणि गटाची जहाजविरोधी क्षेपणास्त्रे नष्ट केली. अमेरिकेने आपल्या हल्ल्यात बंडखोरांनी प्रक्षेपित करण्यासाठी तयार केलेली चार बॅलेस्टिक क्षेपणास्त्रे रोखली. 

Edited By- Priya Dixit