मुंबई इंडियन्सचे आव्हान

कर्णधार रोहित शर्माच्या मुंबई इंडियन्सने आपल्या लौकिकाला साजेशी कामगिरी केली आहे. या संघाचे वैशिष्ट्य म्हणजे हा संघ रोहित शर्मा, केरॉन पोलार्ड अथवा लसिथ मलिंगाच्या एकट्याच्या कामगिरीवर अवलंबून नाही. प्रत्येक सामन्यामध्ये कोणी ना कोणी चांगली कामगिरी करत आहे. पार्थिव पटेल आणि जोस बटलरने अनेक सामन्यांतून संघाला चांगली सुरुवात करून देताना आपल्या सहकार्‍यांवर षटकामागे धावांच्या वेगाचे दडपण येणार नाही, याची काळजी घेतली आहे. नितीश राणाने अनुभवी फलंदाजाप्रमाणे फटकेबाजी केली आहे. हार्दिक आणि कृणाल पंड्या बंधूंनी अष्टपैलू कामगिरीचे प्रात्यक्षिक घडवले आहे.