IPL 2023 नितीश राणा यांच्यावर मोठा दंड

शेवटच्या चेंडूवर रिंकू सिंगच्या चौकाराच्या जोरावर केकेआरने पंजाब किंग्जचा पाच गडी राखून पराभव करून प्लेऑफच्या आशा जिवंत ठेवल्या. सोमवारी, केकेआरने शेवटच्या षटकात पीबीकेएस विरुद्धचा रोमांचक सामना जिंकला. नितीश राणाचे अर्धशतक आणि आंद्रे रसेल आणि रिंकू सिंग यांच्या दमदार कॅमिओमुळे कोलकाताने पाच विकेट्सने विजय मिळवला.

पंजाबच्या 180 धावांच्या लक्ष्याचा पाठलाग करताना केकेआरने नितीश राणा (51), रसेल (42) आणि जेसन रॉय (38) यांच्या जोरावर शेवटच्या चेंडूवर 5 बाद 182 धावा केल्या. रिंकू सिंगने (10 चेंडूत नाबाद 21 धावा) अर्शदीप सिंगला शेवटच्या चेंडूवर चौकार ठोकत संघाला विजय मिळवून दिला. रसेलने 23 चेंडूत तीन षटकार आणि तीन चौकार मारले.

पंजाबसाठी लेगस्पिनर राहुल चहरने 23 धावांत 2 बळी घेतले पण तो आपल्या संघाला विजय मिळवून देऊ शकला नाही. सॅम करनने तीन षटकांत 44 धावा दिल्या. 

या विजयासह, KKR चे 10 सामन्यांतून 10 गुण झाले आहेत, तर पंजाब किंग्जचे देखील तितक्याच सामन्यांतून तितकेच गुण झाले आहेत. केकेआरचा संघ पाचव्या तर पंजाब किंग्ज सातव्या स्थानावर आहे.
Edited by : Smita Joshi