Meta पुन्हा एकदा हजारो कर्मचाऱ्यांची छाटणी !

IANS ने इनसाइडर पब्लिकेशनच्या अहवालात सांगितले आहे की मेटा फेसबुकमध्ये गुप्तपणे ही छाटणी करत आहे. मे महिन्यातच मेटा मालक मार्क झुकेरबर्गने तसे संकेत दिल्याने फेसबुकचे कर्मचारी अनेक महिन्यांपासून यासाठी मानसिकदृष्ट्या तयार होते. मेटाचे संस्थापक आणि सीईओ झुकरबर्ग यांनी कर्मचार्‍यांसह मेटाच्या कमाईशी संबंधित अंतर्गत कॉल दरम्यान हे सूचित केले.

झुकरबर्गने स्पष्ट केले होते की सर्व विभागांमध्ये भरतीवर बंदी घालण्यात आली आहे. यासोबतच कंपनीत लवकरच छाटणी करण्याचे त्यांनी सांगितले होते. ते म्हणाले होते की पुढील वर्षी सतत कपात करणे आमच्या योजनेत समाविष्ट आहे. या दरम्यान अनेक संघ कमी केले जातील जेणेकरुन त्यांची उर्जा इतर क्षेत्रात वापरता येईल.

अहवालानुसार छाटणीची जबाबदारी अनेक वरिष्ठ अधिकाऱ्यांवर देण्यात आली आहे, जे या कामात मूकपणे गुंतले आहेत. ज्या कर्मचाऱ्यांची कामगिरी दर्जेदार नाही अशा कर्मचाऱ्यांना ते चिन्हांकित करून बाहेरचा रस्ता दाखवत आहेत. फेसबुकच्या काही कर्मचार्‍यांच्या मते कंपनी पुढे जात असल्याचे भासवण्याचा प्रयत्न करत आहे, परंतु वास्तव हे आहे की लोकांना जबरदस्तीने बाहेर काढले जात आहे.

कमाईत घट झाल्याने मेटाने हे पाऊल उचलल्याचे मानले जात आहे. मेमध्‍ये हायरिंग फ्रीजची माहिती समोर आल्‍यानंतर मेटाच्‍या स्टॉकची किंमत $380 वर घसरली. गेल्या वर्षभरात कंपनीच्या शेअरची किंमत सुमारे 60 टक्क्यांनी घसरली आहे. आगामी आर्थिक मंदीमुळे आतापासूनच कर्मचार्‍यांची संख्या कमी करण्याचे प्रयत्न केले जात आहेत जेणेकरून त्याचा खर्च नियंत्रणात ठेवता येईल. Meta च्या या वृत्तावर अद्याप कोणतीही अधिकृत प्रतिक्रिया व्यक्त करण्यात आलेली नाही.