राष्ट्रवादीला मोठा धक्का, शरद पवारांवर ईडीकडून गुन्हा दाखल

याआधीच अजित पवार यांच्याविरोधातही गुन्हा दाखल करण्यास हायकोर्टाने बजावलं होतं. आघाडी सरकारच्या काळात काँग्रेस आणि राष्ट्रावादी यांच्यातील कुरघोडीच्या राजकारणात महाराष्ट्र राज्य सहकारी बँकेतील आर्थिक गैरव्यवहार चर्चेत आला होता. राज्य सहकारी बँकेत 25 हजार कोटी रुपयांचा गैरव्यवहार झाल्याचा आरोप आहे. संचालक मंडळाने नियमांचं उल्लंघन केल्याने बँकेला फटका बसला.या सर्व पार्श्वभूमीवर अजित पवारांचं नाव आघाडीवर असताना, आता शरद पवारांवर गुन्हा दाखल झाल्याने राष्ट्रवादी काँग्रेसला मोठा झटका बसला आहे. यामुळे निवडणुकीत शरद पवार यांची प्रतिमा मालिन होण्याची शक्यता आहे.