बाजारची महागडी क्रीम कशाला? या २ पदार्थांनी घरीच बनवा नॅचरल जेल; त्वचा ठेवेल वर्षानुवर्षे तरुण

जवस (Flaxseeds): ३–४ मोठे चमचे

पाणी: १ ते १.५ कप

ताजा लिंबाचा रस: १ छोटा चमचा ('व्हिटॅमिन सी'साठी)

कोरफड जेल (Aloe vera gel): १ मोठा चमचा (त्वचेला मऊपणा आणि ओलावा देण्यासाठी)

व्हिटॅमिन ई कॅप्सूल: १ (त्वचेच्या पोषणासाठी – ऐच्छिक)

बदाम तेल किंवा ग्लिसरीन: अर्धा छोटा चमचा (कोरडेपणा टाळण्यासाठी)

तयार करण्याची पद्धत:

एका भांड्यात १.५ कप पाणी आणि जवस घ्या. मध्यम आचेवर ७ ते १० मिनिटे उकळू द्या आणि अधूनमधून चमच्याने ढवळत राहा. जेव्हा पाणी घट्ट होऊन जेलसारखे स्वरूप घेऊ लागेल, तेव्हा गॅस बंद करा.

हे गरम मिश्रण लगेच एका स्वच्छ सुती कापडाच्या किंवा बारीक गाळणीच्या साहाय्याने काचेच्या भांड्यात गाळून घ्या. मिश्रण गरम असतानाच गाळून घेणे महत्त्वाचे आहे; कारण एकदा ते थंड झाले की खूप घट्ट होते, ज्यामुळे ते गाळणे कठीण जाते. जवसाचे हे पारदर्शक जेल कोमट किंवा पूर्णपणे थंड झाल्यावर, त्यात १ छोटा चमचा ताजा लिंबाचा रस ('व्हिटॅमिन सी'चा स्रोत), १ मोठा चमचा कोरफड जेल आणि व्हिटॅमिन ई कॅप्सूलमधील तेल घाला.

आता हे सर्व साहित्य चमच्याने किंवा विस्करच्या साहाय्याने नीट मिसळून घ्या, जोपर्यंत त्याचे एक मऊ, क्रीमी सीरम किंवा जेल तयार होत नाही. तुमचे नैसर्गिक 'व्हिटॅमिन सी' कोलेजन जेल आता तयार आहे! तुम्ही हे एका हवाबंद काचेच्या भांड्यात भरून १० ते १५ दिवसांपर्यंत फ्रिजमध्ये ठेवू शकता.

कसे वापरावे:

रात्री झोपण्यापूर्वी, तुमचा चेहरा फेस वॉशने नीट धुवून घ्या आणि कोरडा करा.

तुमच्या चेहऱ्यावर आणि मानेवर थोड्या प्रमाणात हा कोलेजन जेल लावा.

२ मिनिटांपर्यंत गोलाकार हालचालीत हलक्या हाताने मसाज करा, जेणेकरून ते त्वचेच्या आतपर्यंत व्यवस्थित शोषले जाईल.

हे रात्रभर तसेच राहू द्या आणि दुसऱ्या दिवशी सकाळी साध्या पाण्याने चेहरा धुवून घ्या. उत्तम परिणामांसाठी याचा दररोज वापर करा.