सोने स्थिर; चांदीच्या दरात 600 रुपयांनी वाढ

जागतीक बाजारात चांदीचे दर वाढले. त्याचबरोबर स्थानीक पातळीवरही चांदीची खरेदी झाल्यामुळे चांदीच्या दरात 600 रूपयानी वाढ झाली. मात्र खरेदीचा आधार न मिळाल्यामुळे सोन्याचे दर कालच्या पातळीवर स्थिर राहीले. दिल्ली सराफात शनिवारी स्टॅंडर्ड सोन्याचे दर 29000 रुपये प्रति दहा ग्रॅम या पातळीवर स्थिर राहीले. त्याचबरोबर शुद्ध सोन्याचे दरही कालच्या 29150 रुपये प्रति दहा ग्रॅम या पातळीवर स्थिर राहीले. काल सोन्याचे दर 100 रुपयांनी वाढले होते. जागतीक बाजारात तेजी असल्यामुळे आणि औद्योगिक क्षेत्राकडून व नाणी तयार करणाऱ्याकडून मागणी वाढल्यामुळे शनिवारी तयार चांदीच्या दरात 600 रुपयांची वाढ होऊन चांदीचा दर 39350 रुपये प्रति किलो झाला. जागतीक बाजारात आज सोन्याचे दर 1.20 टक्‍क्‍यानी तर चांदीचे दर 0.84 टक्‍क्‍यानी वाढले.