बीसीसीआयच्या वर्चस्वाला धक्का

दुबई येथे सुरू असलेल्या आयसीसीच्या बैठकीत प्रशासकीय आणि घटनात्मक बदल 1 विरुद्ध 9 मतांनी मंजूर करण्यात आले. या बदलांविरुद्ध एकमेव मत बीसीसीआयतर्फे टाकण्यात आले. आयसीसी आणि बीसीसीआयदरम्यान वादाचा विषय ठरलेला महसूल वाटप रचनेतील बदल 8 विरुद्ध 2 मतांनी मंजूर करण्यात आला. भारताशिवाय श्रीलंकन क्रिकेट मंडळाने याविरुद्ध मतदान केले. 

बीसीसीआयचे कामकाज पाहण्यासाठी नियुक्ती केलेल्या प्रशासकीय समितीला देखील हा जबर धक्का मानला जात आहे. आयसीसीमधील बहुतेक सर्व सदस्य देश बीसीसीआयला पाठिंबा देतील, असा विश्‍वास समितीने व्यक्त केला होता.