IND vs NZ: T20 मधील भारताचा सर्वात मोठा विजय, सलग चौथी मालिका जिंकली

टीम इंडियाचा टी-20 इतिहासातील हा सर्वात मोठा विजय आहे. यापूर्वी 2018 मध्ये त्याने आयर्लंडचा 148 धावांनी पराभव केला होता. दुसरीकडे, न्यूझीलंडचा हा T20 इतिहासातील सर्वात मोठा पराभव आहे. यापूर्वी 2010 मध्ये पाकिस्तानने त्याचा 103 धावांनी पराभव केला होता. गेल्या वर्षी हार्दिकच्या नेतृत्वाखाली टीम इंडियाने आयर्लंड आणि न्यूझीलंडचा पराभव केला होता. त्याचबरोबर यंदा श्रीलंकेनंतर आता न्यूझीलंडविरुद्धची मालिकाही जिंकली आहे.

शुभमन गिलने शतक झळकावले

भारताकडून शुभमन गिलने सर्वाधिक धावा केल्या. त्याने 63 चेंडूत नाबाद 126 धावा केल्या. न्यूझीलंडसाठी केवळ दोनच फलंदाज दुहेरी आकडा गाठू शकले. डॅरेल मिशेलने 35 आणि कर्णधार मिचेल सँटनरने 13 धावा केल्या. भारताकडून कर्णधार हार्दिक पंड्याने सर्वाधिक चार विकेट घेतल्या. अर्शदीप सिंग, उमरान मलिक आणि शिवम मावी यांनी प्रत्येकी दोन गडी बाद केले.

कर्णधार हार्दिक पंड्याने नाणेफेक जिंकून प्रथम फलंदाजी करण्याचा निर्णय घेतला. इशान किशन आणि शुभमन गिलकडून चांगली सुरुवात अपेक्षित होती, पण किशन पुन्हा एकदा अपयशी ठरला. तीन चेंडूत एक धाव घेत पॅव्हेलियनमध्ये परतला.

Edited By - Priya Dixit