प्रशिक्षकपदासाठी रवि शास्त्रीदेखील इच्छूक

याआधी रवि शास्त्री यांनी या पदासाठी मागील वर्षीदेखील अर्ज दाखल केला होता परंतु, निवड समितीने अनिल कुंबळे यांना शास्त्रीपेक्षा अधिक पसंती दिली होती. दरम्यान, नुकत्याच पार पडलेल्या चॅम्पियन्स ट्राफीनंतर अनिल कुंबळे यांनी आपल्या पदाचा राजीनामा दिला आहे.  त्यामुळे सध्या या पदासाठी अर्ज मागवण्यात आले आहेत. दरम्यान, या पदासाठी माजी क्रिकेटर वीरेंद्र सेहवाग यानेदेखील अर्ज सादर केला आहे. तसेच टॉम मुडी, रिचर्ड पायबस आणि लालचंद राजपूत यांनीदेखील अर्ज दाखल केले आहेत.