टीम इंडियाचा स्टार वेगवान गोलंदाज आकाशदीपने आपल्या आयुष्यात एका नव्या पर्वाला सुरुवात केली आहे. त्याने राज देहरी येथील माणिकपूरची रहिवासी असलेल्या अक्षिता राज हिच्याशी विवाह केला आहे. त्यांच्या लग्नाची तयारी गेल्या अनेक दिवसांपासून सुरू होती. विवाहसोहळा आकाशदीपच्या मूळ गावी पार पडला, तर वरमाळा सोहळा वाराणसीतील एका पंचतारांकित हॉटेलमध्ये पार पडला. भोजपुरी गायक आणि अभिनेता पवन सिंग आणि क्रिकेटपटू मुकेश सिंग यांच्यासह चित्रपटसृष्टीतील अनेक सेलिब्रिटींनी या लग्नाला हजेरी लावली. आकाशदीपच्या लग्नाचे अनेक फोटो सोशल मीडियावर वेगाने व्हायरल होत आहे.
