Women’s T20 World Cup 2026 : महिला टी२० विश्वचषक यावर्षी जूनमध्ये होणार; एकूण १२ संघ ट्रॉफीसाठी स्पर्धा करताना दिसतील

महिला टी२० विश्वचषक यावर्षी जूनमध्ये होणार आहे. यावर्षी स्पर्धेचा १० वा हंगाम इंग्लंडमध्ये खेळला जाईल. एकूण १२ संघ ट्रॉफीसाठी स्पर्धा करताना दिसतील. सर्व संघांमध्ये एकूण ३३ सामने खेळले जातील. 

१२ संघांची दोन गटांमध्ये विभागणी

महिला टी-२० विश्वचषक २०२६ साठी, १२ संघांची दोन गटांमध्ये विभागणी करण्यात आली आहे. गट 'अ' मध्ये भारत, पाकिस्तान, दक्षिण आफ्रिका, ऑस्ट्रेलिया, बांगलादेश आणि नेदरलँड्स यांचा समावेश आहे, तर गट 'ब' मध्ये इंग्लंड, न्यूझीलंड, श्रीलंका, वेस्ट इंडिज, स्कॉटलंड आणि आयर्लंड यांचा समावेश आहे. आयसीसी स्पर्धेत भारत आणि पाकिस्तान यांना पुन्हा एकदा एकाच गटात ठेवण्यात आले आहे. या दोन संघांमधील हाय-व्होल्टेज सामना १४ जून रोजी एडजबॅस्टन येथे होणार आहे.

महिला टी-२० विश्वचषक २०२६ चे थेट प्रक्षेपण स्टार स्पोर्ट्स नेटवर्कवर केले जाईल. चाहते टीव्हीवर स्टार स्पोर्ट्स चॅनलवर थेट प्रक्षेपण पाहू शकतात, तर ओटीटी प्लॅटफॉर्मवर पाहणाऱ्यांना जिओहॉटस्टारवर जावे लागेल.

Edited By- Dhanashri Naik