वायुप्रदूषण धोक्याची घंटा, जागतिक चिंता

अहवालानुसार, जगातील १८० कोटी लहान मुलांचा जीव विषारी वायूच्या श्वसनामुळे धोक्यात आला आहे. वातावरणातील वायुप्रदूषण आणि घरातील वायुप्रदूषण या दोन्ही घटकांचा लहानग्यांच्या आरोग्यावर गंभीर परिणाम होत आहे. विशेषत: कमी व मध्यम उत्पन्न असलेल्या देशात ही समस्या दिसून येत आहे. याशिवाय आणखी एक महत्त्वाचे निरीक्षण म्हणजे, या वायुप्रदूषणाचा गर्भवतींच्या आरोग्यावरदेखील गंभीर परिणाम होत आहे. त्यामुळे मुदतीपूर्व प्रसूतींचे प्रमाण वाढले आहे. त्या कमी वजनाच्या बालकांना जन्म देत आहेत.