लहान वयात पार्लरमध्ये जाणं योग्य की नाही?

आयब्रोज 

शक्य तितक्या उशिरा करणं चांगलं. लहान वयातच आयब्रोज करायला सुरुवात केल्यान डोळ्यांवरची त्वचा सैल पडते. सुरकुत्याही येतात. 

वॅक्सिंग

वॅक्सिंग वयाच्या तेरा-चौदा वर्षापासून करता येईल. मात्र, ते वरचेवर करू नये. तीन ते चार महिन्यांतून एकदा करावं. नाहीतर त्वचेवर डाग पडतात. त्वचा तेलकट असल्यास पुरळ येण्याची शक्यता तपासून मगच वॅक्सिंग करावं. ब्लॅक हेड्‍सही या वयात काढले तरी चालतात. हेअर कलरिंग, स्ट्रेटनिंग- पर्मनंट कलर, स्ट्रेटनिंग टाळाच. त्याऐवजी कलर स्प्रे वापरता येईल पण कायम नाहीच.

ब्लिच 

दहावीचया सेंडऑफ पार्टीत गोर दिसावं म्हणून खूप मुली ब्लिच करून घेतात. हे अत्यंत हानिकारक आहे. लहान वयात, त्वचा नाजूक असताना ब्लिच केल्यास ती कायमची काळी पडू शकते.

फेशियल 

किमान पंचविसाव्या वर्षापर्यंत फेशियल टाळलेलंच बरं. 

पिंपल ट्रीटमेंट 

वयात येताना पिंपल्स येणं ही सामान्य घटना आहे, मात्र 16व्या वर्षापर्यंत त्यावर ट्रीटमेंट घेऊ नये. त्याआधी काही करायचे झाल्यास हर्बल किंवा आयुर्वेदिक ट्रीटमेंट घ्यावी. रसायनयुकत ट्रीटमेंट अजिबात घेऊ नये.