गर्भनिरोधक गोळ्या घेताय? सावधान

न्यूयॉर्क येथील कोलंबिया विद्यापीठ व हेलन हेज हॉस्पिटल यांच्यातर्फे संयुक्त संशोधक पथकातर्फे यासंदर्भात संशोधन करण्यात आले. त्यात ही बाब आढळली. या पथकाचे सदस्य डॉ. जेरी नीव्ज यांनी महिलांची जीवनशैली, त्यांचे खाणेपिणे व व्यायामाच्या सवयींचा अभ्यास केला. या सर्व महिलांचे सरासरी वय १८.४ होते. 

संशोधन करणाऱ्या पथकाने महिलांच्या आहाराकडे विशेष लक्ष दिले. दूध, दही, पनीर व कॅल्शियमचा समावेश असणाऱ्या भाज्यांचा वापर कोण व किती करतात याकडे लक्ष देण्यात आले. याशिवाय कॅफीन, अल्कोहोल, तंबाखू खाण्याचा काय परिणाम होतो, हेही अभ्यासण्यात आले. 

या महिलांच्या मासिक पाळी व गर्भ निरोधक गोळ्यांच्या उपयोगासंदर्भातील आकडेवारी एकत्र करण्यात आली. 

विश्लेषणानंतर गर्भ निरोधक गोळ्या घेण्यामुळे मासिक पाळीत बदल होतो व त्याचा हाडांवर परिणाम होऊन ती कमजोर होतात असे लक्षात आले. ज्या महिला दूध घेण्याचे टाळतात, त्यांची हाडे जास्त कमकुवत असल्याचे लक्षात आले.