sweet curd at home घरी गोड दही कसे बनवायचे; जाणून घ्या सोपी पद्धत

साखर मिसळणे: दूध गरम असतानाच त्यात साखर घाला आणि साखर पूर्णपणे विरघळेपर्यंत ढवळून घ्या.

दूध कोमट करणे: दूध उकळल्यानंतर ते बाजूला ठेवून थोडे थंड होऊ द्या. दूध खूप गरम किंवा खूप थंड नसावे. बोट बुडवल्यावर सोसेल इतपत कोमट असावे.

विरजण लावणे: एका छोट्या वाटीत विरजण (दही) घेऊन ते थोडे फेटून घ्या. आता हे फेटलेले दही कोमट दुधात टाका आणि चमच्याने व्यवस्थित मिक्स करा. आता या पातेल्यावर झाकण ठेवा आणि एका उबदार ठिकाणी ६ ते ७ तास स्थिर ठेवा. दही लावल्यावर पातेले वारंवार हलवू नका.

घट्ट दही होण्यासाठी खास टिप्स 

दुधाचा प्रकार: पाण्याचा अंश कमी असलेले दूध वापरल्यास दही घट्ट होते.

मातीचे भांडे: शक्य असल्यास दही लावण्यासाठी मातीच्या भांड्याचा वापर करा. मातीचे भांडे जास्तीचे पाणी शोषून घेते, ज्यामुळे दही चक्का सारखे घट्ट होते.

हवामान: उन्हाळ्यात दही लवकर (४-५ तासात) लागते, तर हिवाळ्यात जास्त वेळ (८-१० तास) लागू शकतो. हिवाळ्यात पातेल्याला गरम कपड्याने गुंडाळून ठेवल्यास दही छान लागते.

फ्रीजमध्ये ठेवणे: दही तयार झाले की ते लगेच १-२ तास फ्रीजमध्ये ठेवा. यामुळे ते अधिक सेट होते आणि जास्त आंबट होत नाही.

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik