टिफिनमध्ये पोळ्या ओल्या होतात का? अशा प्रकारे पॅक करा; तासांनंतरही फ्रेश राहतील

पोळ्या पूर्णपणे थंड होऊ द्या
पोळी तव्यावरून काढल्याबरोबर लगेच डब्यात भरू नका. गरम पोळीतून वाफ निघत असते, जी डब्यात कोंडली गेल्यामुळे पाण्याचे थेंब तयार होतात. यामुळेच पोळ्या ओल्या होतात. पोळ्या एका जाळीवर किंवा रुमालावर २-३ मिनिटे ठेवून त्यांची वाफ निघून जाऊ द्या आणि मगच पॅक करा.

सुती रुमालाचा वापर करा
अॅल्युमिनियम फॉइल किंवा प्लास्टिक पिशवीपेक्षा सुती रुमाल हा सर्वोत्तम पर्याय आहे. रुमाल पोळीतील अतिरिक्त ओलावा शोषून घेतो आणि पोळी कडक होऊ देत नाही. रुमालात गुंडाळून मगच डब्यात ठेवा.

डब्याच्या तळाशी 'बॅरियर' ठेवा
जर तुम्ही रुमाल वापरत नसाल, तर डब्याच्या तळाशी एक पेपर नॅपकिन किंवा एक छोटी स्टीलची प्लेट/जाळी ठेवा. यामुळे डब्याच्या तळाला साचलेले पाणी पोळीला लागत नाही.

काही खास टिप्स
पीठ मळताना त्यात थोडे दूध किंवा कोमट पाणी आणि थोडे तेल वापरा. यामुळे पोळी नैसर्गिकरित्या मऊ राहते.
पोळी मध्यम आचेवर भाजा. खूप वेळ मंद आचेवर भाजल्यास ती कडक (चामट) होते.
पोळी भाजून झाल्यावर त्याला हलके तूप किंवा तेल लावा.

एअरटाईट डब्याचा वापर
पोळ्या रुमालात गुंडाळल्यानंतर तो रुमाल एका चांगल्या एअरटाईट स्टीलच्या डब्यात ठेवा. यामुळे बाहेरची हवा आत जाणार नाही आणि पोळ्या मऊ राहतील.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीचीपूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik<>