मुलींनो, सांभाळा

मान्य आहे की, प्रेम हे आंधळं असते, पण नंतर पश्‍चाताप करून घेण्यापेक्षा आताच सतर्क राहा..

कारण आई-वडिलांना दुखवून तुम्ही सुखी राहणार नाही. हा घाणेरडा समाज तुमच्या आई-वडिलांना जगू देणार का?

तेव्हा तुम्हाला मी हात जोडून विनंती करतो की, ज्या आईने आपल्याला ९ महिने पोटामध्ये ठेऊन जे स्वत:चे रक्त देऊन स्वत:च्या उदरात वाढवून जे कष्ट घेतले त्याची परतफेड म्हणून त्यांना रडवून आपले स्वप्न पूर्ण करू नका.. त्या बापाचा विचार करा जो रडूही शकत नाही व आपले दु:खही कोणाजवळ व्यक्त करू शकत नाही. चार दिवसाच्या प्रेमांवर तुम्हाला एवढा विश्‍वास आहे व आपल्याला जन्म देणार्‍या आई-वडिलांची पर्वा नाही, त्यांना सोडून दुसर्‍याशी लग्न केल्यास जग तुम्हाला लोफर म्हणेल आणि तुमच्यासाठी एवढे कष्ट सोसलेल्या आई-वडिलांच काय.. चार दिवसाच्या केलेल्या प्रेमाशिवाय तुम्ही जगू शकत नाही म्हणता त्यावेळी त्या मायबापाच्या हृदयावर तुम्ही किती वार करीत आहात, याची कल्पना तुम्हाला आहे का? चार-पाच वर्षाच्या प्रेमासाठी तुम्ही जन्म देणार्‍या, कितीतरी वर्षे तुमच्यावर नि:स्वार्थ प्रेम करणार्‍या मायबापाला दु:खाच्या खोल दरीत लोटता..

एक गोष्ट नेहमी लक्षात ठेवा, आईवडील तुमच्यासाठी कधीही वाईट विचार करू शकत नाही, ते नेहमी तुमच्या चांगल्याचाच विचार करतील..

एक गोष्ट नेहमी लक्षात ठेवा, आई-वडिलांसारखे नि:स्वार्थ प्रेम दुसरी कोणतीही व्यक्ती करू शकत नाही. तेव्हा विचार करा व आपल्यामुळे आपल्या आई-वडिलांना मान खाली घालण्याची वेळ येऊ देऊ नका..

-  संजीवनी