आईने मोजलेच नाही...

आईने मोजलेच नाही...

नवर्‍यासह लेकराबाळांचे 

करता करता

मोठ्यांचा मान राखता राखता

कितीदा वाकले गेले,

आईने मोजलेच नाही...

बाळाला किती झोके

दिले,

बाळा साठी किती रात्री

जागले

आईने मोजलेच नाही...

जरा चुकले की 

घरच्यांची,बाहेरच्यांची

किती बोलणी खाल्ली,

काळजाला किती घरं पडली,

आईने मोजलेच नाही...

याच्यासाठी त्याच्यासाठी

आणखीही कुणासाठी

जगता जगता ,

स्वतःसाठी अशी 

किती जगले,

आईने मोजलेच नाही...

पाखरे गेली फारच दूर

डोळा आहे श्रावणपूर

पैशाचा हा नुसता धूर

निसटून गेले कोणते सूर,

आईने मोजलेच नाही...

सर्व आईंना समर्पित...

-सोशल मीडिया