काकडी पोहे

ND

साहित्य : 7-8 काकड्या मोठ्या, एक शेर पोहे, 1 वाटी डाळे, दोन नारळ, ओल्या मिरच्या, कोथिंबीर, चार लिंबे, मीठ, साखर, फोडणीचे साहित्य.

कृती : काकड्या कोचून घ्याव्यात. डाळ्याचे जाडसर कूट करावे. नारळ खोवून घ्यावेत. एका मोठ्या भांड्यात प्रथम काकडीचा एक थर घालावा. त्यावर दुसरा पोह्यांचा थर घालावा. त्याला ओल्या खोबर्‍याचा थर घालावा. त्यावर पुन्हा काकडीचा पुन्हा पोह्याचा व पुन्हा खोबर्‍याचा याप्रमाणे एकावर एक असे काकडी, पोहे व खोबरे यांचे थर घालीत जावे. शेवटी जाडसर डाळ्याचे कूट पसरून हे सर्व दोन तास दडपून ठेवावे. दोन तासानंतर त्यात ओल्या मिरच्या व कोथिंबीर बारीक चिरून, लिंबाचा रस, चवीप्रमाणे मीठ आणि साखर घालावी. हिंग घालून तेलाची खमंग फोडणी करून वर घालावी.