पडवळाची भाजी

ND

साहित्य : अर्धा किलो कोवळी पडवळे, दोन वाट्या चण्याचे जाडसर पीठ, सुके किसलेले खोबरे पाव वाटी, दाण्याचे कूट पाव वाटी, एक चमचा धने, एक चमचा जिर्‍याची पूड, तिखट, मीठ व साखर अंदाजे, कोथिंबीर व फोडणीचे साहित्य, लिंबू.

कृती : चण्याचे पीठ तेलावर तांबूस पोईपर्यंत भाजून घ्यावे. पडवळाचे दीड इंच लांबीचे गोल तुकडे करावे व बिया कोवळ्या असल्या, तर तशाच ठेवाव्या, नाहीतर काढून टाकाव्या. तेलात थोडेसे म्हणजे आपल्या आवडीप्रमाणे तिखट, मीठ, साखर व हळद घालून व आवडत असल्यास लिंबू पिळून व सर्व जिन्नस कालवून ते तेल पडवळाच्या तुकड्यास आतून व बाहेरून चोळावे. धने, जिरे व खोबरे भाजून, त्यांचे जाडसर कूट करून ते व दाण्याचे कूट चण्याच्या पिठात घालावे. तसेच त्या पिठात आपल्या आवडीप्रमाणे तिखट, मीठ व साखर घालावी. कोथिंबीर बारीक चिरून घालावी. नंतर हेपीठ चांगले पडवळाच्या तुकड्यांत घट्ट भरावे व नंतर ते तुकडे वाफवून घ्यावेत आणि वर फोडणी घालावी.