भरली पिवळी मिरची

साहित्य: 200 ग्राम लांब पिवळ्या मिरच्या, 100 ग्राम बेसन, 2 मोठे चमचे धणेपूड, तिखट, हळद, मीठ, अर्धा लहान चमचा साखर, अर्ध्या लिंबाचा रस, तेल.

कृती: कमी तेलात बेसन भाजून घ्या. बेसन गार झाल्यावर त्यात धणेपूड, तिखट, हळद, मीठ, साखर, लिंबाचा रस, तेल मिसळून भरवा मसाला तयार करा. मिरच्यांचे देठ काढून मधून चिरा लावा. त्यात हा मसाला भरा. पॅनमध्ये कमी तेल पसरवून मिरच्या ठेवा. मिरच्यांना हलक्या हाताने आलटून- पालटून दोन- तीन वेळा वाफ येऊ द्या. स्वादिष्ट भरवा मिरच्या पराठे किंवा चपातीसोबत सर्व्ह करा. या मिरच्या दोन ते तीन दिवस खराब होत नाही.