Air India Pilot suicide in Mumbai सर्वांसमोर ओरडायचा प्रियकर, CM सन्मानित महिला पायलटची मुंबईत आत्महत्या

पोलिसांच्या प्राथमिक तपासात छळ झाल्याचीही माहिती समोर आली आहे. त्याचवेळी कुटुंबीयांच्या म्हणण्यानुसार आरोपीने सृष्टीचा खून केला आहे. नंतर ते आत्महत्येसारखे भासवण्याचा प्रयत्न केला. सृष्टी अंधेरीच्या मरोळ भागात भाड्याच्या खोलीत राहत होती. सोमवारी सकाळी तिचा मृतदेह सापडला. पंडित पायलट होण्याच्या तयारीत होता असे सांगितले जात आहे.

आरोपीविरुद्ध गुन्हा दाखल

तुली रविवारी ड्युटीवरून परतली असता पंडितने तिच्याशी भांडण केल्याचा आरोप आहे. यानंतर रात्री 1 वाजता पंडित दिल्लीला रवाना झाला. तुलीने फोन करुन त्याला आत्महत्या करत असल्याचे सांगितले, त्यानंतर तो पुन्हा खोलीत आला. येथे खोली आतून बंद आढळून आली. त्यानंतर की मेकरला बोलावण्यात आले. त्याने खोली उघडली असता तुली बेशुद्ध अवस्थेत पडली होती. आदित्यने तिला सेव्हन हिल्स रुग्णालयात दाखल केले, तेथे तिला मृत घोषित करण्यात आले. पवई पोलिस ठाण्याहून मिळालेल्या माहितीनुसार, कुटुंबीयांच्या आरोपांची चौकशी करण्यात येत आहे. सध्या आरोपीविरुद्ध आत्महत्येस प्रवृत्त केल्याचा गुन्हा दाखल करण्यात आला आहे.

आरोपीला चार दिवसांची कोठडी सुनावण्यात आली आहे. मुलीचा फोन चाचणीसाठी प्रयोगशाळेत पाठवण्यात आला आहे. दोन वर्षांपूर्वी तुली आदित्यला दिल्लीत भेटली. दोघेही कमर्शियल पायलट लायसन्ससाठी (CPL) प्रशिक्षण घेत होते. तुली नंतर द्वारकेत राहिली. त्यानंतर तिला नोकरी मिळाली. गेल्या वर्षी जूनमध्ये ती मुंबईत आली होती. मुलीचे मामा विवेक कुमार तुली यांची गोरखपूरमध्ये गॅस एजन्सी आहे. त्यांनी पंडित यांच्यावर आरोप केले आहेत. त्यांनी सांगितले की, कामामुळे तुली आपल्या बहिणीच्या एंगेजमेंटलाही येऊ शकली नाही.

आरोपानुसार आदित्य तुलीला गाडीतून मधेच खाली उतरवून देयाचा तर कधी तिच्या गाडीचेही नुकसान करायचा. तो तिच्याकडून पैसे काढून तिला ब्लॅकमेल करायचा. त्याने खून केला असावा असा संशय घरच्यांना आहे. तुली गोरखपूरची पहिली महिला पायलट होती, तिला उत्तर प्रदेशच्या मुख्यमंत्र्यांनीही सन्मानित केले होते. तुलीवर बुधवारी अंत्यसंस्कार करण्यात आले. तुली लष्करी कुटुंबातील होती. तिचे आजोबा 1971 च्या भारत-पाकिस्तान युद्धात शहीद झाले. काकांनी सैन्यातही नोकरी केली आहे.