सांताक्रूझ मध्ये ब्लॅकमेलिंग व खंडणी त्रासाला कंटाळून चार्टर्ड अकाउंटंटची आत्महत्या

मिळालेल्या माहितीनुसार गेल्या १८ महिन्यांत राज मोरे यांच्याकडून सुमारे ३ कोटी रुपये उकळल्याचे पोलिस तपासात उघड झाले आहे. राहुल परनवानी यांनी राज यांचे खाजगी व्हिडिओ गुप्तपणे रेकॉर्ड केले आणि नंतर सबा कुरेशीसोबत मिळून ते व्हायरल करण्याची धमकी देऊन मोठी रक्कम वसूल केली, असा आरोप आहे. सूत्रांनी दिलेल्या माहितीनुसार, राज सोशल मीडियाद्वारे सबा कुरेशीला भेटला. हळूहळू दोघांमधील संवाद  वाढला. यादरम्यान राहुलने राजचे वैयक्तिक व्हिडिओ बनवले आणि नंतर त्याला धमकी देऊन ब्लॅकमेल करण्यास सुरुवात केली. दोन्ही आरोपी राजच्या वाकोला येथील घरी पोहोचले तेव्हा प्रकरण अधिक गंभीर झाले. त्यांनी राजच्या आईसमोर राजला मारहाण केली आणि शिवीगाळ केली आणि व्हिडिओ व्हायरल करण्याची धमकीही दिली. या घटनेने राज मानसिकदृष्ट्या खूप खचले आणि शनिवारी रात्री त्याने विष प्राशन करून आत्महत्या केली. अशी माहिती समोर आली आहे. 

Edited By- Dhanashri Naik