कोलकातामध्ये भीषण आग; 4000 ईव्हीएम जळून खाक, मंत्र्यांचा घातपाताचा संशय

बुधवारी दक्षिण कोलकाताच्या अलीपूर भागातील नऊ मजली इमारतीला भीषण आग लागली. या इमारतीत दक्षिण २४ परगणा जिल्हा परिषदेचे कार्यालयही होते. ईव्हीएम मशीन्स काही क्षणातच जळून खाक झाली. आग विझवण्यासाठी अग्निशमन दलाला २४ तासांहून अधिक वेळ लागला.

घटनास्थळाची पाहणी केल्यानंतर मंत्री कौशिक चौधरी म्हणाले, "ही सामान्य आग वाटत नाही. यात काही घातपात झाला आहे का, याचा आम्ही तपास करत आहोत." त्यांनी सांगितले की, इमारतीच्या दुसऱ्या आणि तिसऱ्या मजल्यावर आग लागल्याचे प्रथम लक्षात आले. चौथ्या, पाचव्या आणि सहाव्या मजल्यांना धक्का न लावता आग सातव्या आणि आठव्या मजल्यापर्यंत कशी पोहोचली? कोलकाता पोलिसांच्या म्हणण्यानुसार, ईव्हीएमबाबत अद्याप कोणताही एफआयआर दाखल करण्यात आलेला नाही. पोलिसांनी एक विशेष तपास पथक स्थापन केले आहे. ते आगीच्या घटनेचा तपास करत आहेत.

तृणमूल काँग्रेस आणि आम आदमी पक्षानेही या प्रकरणात भाजपकडून उत्तरांची मागणी केली आहे. दक्षिण २४ परगणा प्रशासनाने या प्रकरणी अलिपूर पोलीस ठाण्यात लेखी तक्रार दाखल केली आहे. पोलिसांनी गुन्हा दाखल करून प्रकरणाचा तपास सुरू केला आहे. वरिष्ठ पोलीस अधिकाऱ्यांनी या प्रकरणासाठी विशेष न्यायवैद्यक तज्ञांची नियुक्ती केली आहे. हे पथक घटनास्थळावरून सातत्याने नमुने गोळा करत आहे.

Edited By- Dhanashri Naik<>